Сүүлийн саруудад эдийн засгийн хүндрэл улам нэмэгдэж, олон жижиг дунд бизнесүүд орлого нь буурч, түрээсийн дарамтад орж, үйл ажиллагаагаа зогсоох эрсдэлтэй нүүр тулж байна. Ийм үед төрийн хамгийн чухал үүрэг бол халамж тараах бус, хөдөлмөрлөж байгаа иргэддээ ажиллах, бизнес эрхлэх боломжийг нь хамгаалж дэмжих явдал юм. Дэлхийн олон оронд эдийн засгийн хүндрэлтэй үед жижиг дунд бизнесээ хамгаалах бодлого хэрэгжүүлж, ажлын байраа хадгалж үлддэг. Тиймээс: БИЗНЕСЭЭ ДЭМЖЬЕ НЭЭЛТТЭЙ ГУДАМЖ БИДЭНД ХАЛАМЖ БИШ, БОЛОМЖ ХЭРЭГТЭЙ уриан дор Нийслэлийн тодорхой байршилд иргэд жижиг бизнес, худалдаа, үйлчилгээ эрхлэх боломжтой НЭЭЛТТЭЙ БИЗНЕСИЙН ГУДАМЖ-ийг төрөөс үнэгүй гаргаж өгөх саналтай байна. Тус гудамжид , , гар урлал, ном, үндэсний брэнд, өрхийн үйлдвэрлэл, жижиг худалдаа үйлчилгээ эрхлэх боломжийг түрээсгүй эсвэл маш хөнгөлөлттэй нөхцөлөөр бүрдүүлэх шаардлагатай байна. Өнөөдөр жижиг бизнес эхлүүлэхэд хамгийн том саад нь өндөр түрээс болж байгаа тул төрөөс иргэддээ халамж бус, хөдөлмөрлөж орлого олох ОРОН ЗАЙ бий болгох нь чухал гэж үзэж байна. Энэхүү санаачилга хэрэгжсэнээр: Ажилгүйдэл буурна Жижиг дунд бизнес дэмжигдэнэ Залуус, ээжүүд, ахмадуудад орлого олох боломж нэмэгдэнэ Хотын эдийн засаг, аялал жуулчлал идэвхжинэ Хотын соёлтой, амьд орчин бүрдэнэ Иймээс нийтийн эзэмшлийн тодорхой бүсүүдэд стандарттай, аюулгүй БИЗНЕСЭЭ ДЭМЖЬЕ НЭЭЛТТЭЙ ГУДАМЖ төслийг хэрэгжүүлэхийг хүсье. ХЯМРАЛЫГ ХАМТДАА ДАВЦГААЯ.